Ամանորյա միջոցառում Հունաստանում Հայաստանի Հանրապետության դեսպանատանը

28 դեկտեմբերի, 2021

Դեկտեմբեր 28-ին Ամանորին ընդառաջ Հունաստանում ՀՀ դեսպանատանը հայ փոքրիկների մասնակցությամբ անցկացվել է Ամանորյա միջոցառում` ERA հայ-հունական բարեկամական ընկերության մասնակցությամբ եւ վերջինիս նախագահ Աղավնի Մկրտչյանի նախաձեռնությամբ։

Միջոցառման սկզբում մեկ րոպե լռությամբ ներկաները հարգեցին Արցախյան 44-օրյա պատերազմում զոհված զինվորների հիշատակը, ապա Հունաստանում ՀՀ դեսպան Տիգրան Մկրտչյանը ողջույնի խոսքեր հղեց փոքրիկներին, ընդգծելով, որ ուրախ կլինի եթե նման միջոցառումները կրեն պարբերական եւ ավանդական բնույթ։ Դեսպանն ընդգծեց հայրենիքի հետ կապն ամուր պահելու անհրաժեշտությունը, որը սկսվում է հայեցի կրթությունից եւ ամրապնդվում է մշակույթով։

Երեխաները ներկայացրեցին իրենց պատրաստած կատարումները` ասմունքով, երգերով, երաժշտական ծրագրով։ Միջոցառման ընթացքում

Արցախյան Ազատամարտի Հերոս Արթուր Մեսրոպյանի կամավորական ջոկատի նախագահ, տիկին Անուշ Շահինյանը Արցախյան Ազատամարտի Հերոս Արթուր Մեսրոպյանի անունից երեխաներին հանձնեց պատվոգրեր լավ առաջադիմություն ունենալու կապակցությամբ։

Միջոցառման վերջում փոքրիկներին դեսպանության կողմից տրվեցին նվերներ եւ անցկացվեց հյուրասիրություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր